Денеска во 1/16 финалето од турнирот во Мадрид (Шпанија) домашниот тенисер Рафаел Надал славеше против Миомир Кецмановиќ со 2:0 во сетови.

Третиот носител Надал убедливо го доби првиот сет со 6:1, а српскиот натпреварувач даде посилен отпор во вториот кој Рафа успеа да го освои дури во тај-брејкот со 7:6 (4).

Во осминафиналната фаза Шпанецот ќе игра против Белгиецот Давид Гофан кој го елиминираше Ботик Ван Де Зандшулп од Холандија со 6:4 и 6:2.

Во другите денешни мечеви: Еванс – Баутиста Агут 2:1, Лајовиќ – Рууд 2:1, Чилиќ – А. Зверев 1:2, Нори – Изнер 2:1 и Хуркач – Давидович Фокина 2:1.

Досега познати осминафинални двојки: Ѓоковиќ – Мареј, Хуркач – Лајовиќ, Надал – Гофан, Нори – Алкараз и Рубљов – Еванс.