Рафаел Надал успеа да „го преживее“ мечот со Себастијан Корда и со голем пресврт во третиот сет да дојде до триумф и пласман во третото коло на мастерсот во Индијан Велс.

Шпанецот до победата дојде по 150 минути игра  и три сета – 6:2,1:6,7:6. Надал во првиот сет рутински ја одработи задачата, но Корда возврати во вториот сет кој го доби со убедливи 1:6.

Американскиот тенисер прв направи брејк и во третиот одучувачки сет и поведе со 5:2 во гемови. Но, Надал уште еднаш покажа зошто е еден од најдобрите тенисери во историјата, успеа да го врати брејкот и да го однесе сетот во тај-брејк каде без проблеми славеше со 7:3.

Следен противник на Надал ќе му биде Даниел Еванс кој на Федерико Корија му дозволи да освои само два гема.

Успешен старт во Индијан Велс и тоа како прв тенисер на АТП ранг-листата имаше Даниел Медведев кој за 72 минути со 6:3,6:2 по победи Томас Махач.