Рафаел Надал имаше емотивно збогување на Ролан Гарос во неделата на посебна церемонија на теренот „Филип-Шатрие“, каде што испиша историја со рекордни 14 титули.

Со навивање од публиката и присуство на тениски великани како Федерер, Ѓоковиќ и Мареј, беше прикажано видео во кое се прикажани неговите најдобри моменти, од моќни удари до освојување трофеи.

– Не знам како да почнам… Поминаа 20 години откако првпат стапнав на овој терен. Доживеав сè, победи, порази, страдање, но и неверојатна радост. Ви благодарам за ова збогување – рече Надал со солзи во очите.

Надал се потсети на почетокот на 2004 година кога пристигна повреден, а веќе во 2005 година ја освои својата прва титула. Следеше серија од пет титули по ред, реванш против Содерлинг, историската „Ла Десима“ во 2017 година и вкупен резултат од 112 победи и само четири порази на овој турнир.

Тој изрази посебна благодарност до својот чичко и тренер Тони Надал: „Без тебе, немаше да бидам тука. Ти благодарам што ми даде живот и кариера.“