Шпанскиот тенисер Рафаел Надал е поразен денеска на мастерс турнирот во Рим, Италија.

Во рамките од второто коло Надал загуби од полскиот тенисер Хуберт Хуркач со 2:0 во сетови.

Рафа освои само четири гема, неговиот противник доминираше добивајќи ги двата сета со 6:1 и 6:3 за еден час и 33 минути игра.

Хуркач направи по два брејка во двата сета, и ниту еднаш не му дозволи на Надал да му одземе сервис, па така неочекувано лесно стигна до победа над 10-кратниот шампион во италијанскиот главен град.

Ривал на Полјакот во третото коло ќе биде Томас Ечевери од Аргентина кој во втората рунда го елиминираше Бразилецот Тијаго Сејбут Вилд со 6:3 и 7:5.