Рафаел Надал ја продолжува победничката серија во 2022 година и ја оствари 17 победа во низа откако со 7:5,6:3 беше поуспешен од Даниел Еванс во третото коло на мастерсот во Индијан Велс.

Британецот беше конкурентен само во првиот сет кога и прв направи брејк по што поведе со 2:4. Но, Надал експресно возврати и дојде до 4:4 по што двајцата тенисери имаа сигурен сервис за 5:5 во гемови. Надал спаси една брејк топка во 11 гем и потоа во наредниот гем го одзеде сервисот на Еванс што значеше водство од 1:0 во сетови.

Во вториот сет, Надал направи брејк во вториот гем и до крајот без проблеми ја чуваше предноста што значеше триумф и пласман во осминафиналето каде го чека подобриот од дуелот Рајли Опелка – Денис Шаповалов.