Скопскиот маратон кој традиционално е во организација на Сојузот на спортови на Град Скопје, се организира со поддршка на бројни спортски клубови и асоцијации, а под покровителство на Град Скопје, Агенцијата за млади и спорт и Канцеларијата на Европската Унија.

Град Скопје е горд што по 18 пат е домаќин на Скопскиот Маратон на кој оваа година се пријавени над 8500 учесници од 47 земји низ светот.

Градот Скопје финансиски ја поддржува оваа голема спортска манифестација, која ги промовира градот Скопје и Македонија како спортска и туристичка дестинација.

Воедно се овозможува и логистичка поддршка од градските јавни претпријатија со цел успешно одржување на годинешниот скопски маратон.