Повеќе од 100 луѓе се удавиле, а неколку се водат за исчезнати откако брод со повеќе од 300 патници кои се враќале од свадба се превртел по реката Нигер. Невестата и младоженецот се враќале во Нигерија од свадба која се одржала во државата Квара, пишува „Гардијан“.

Надлежните наведуваат дека сѐ уште трае спасувачката акција и потрагата по исчезнатите. Бродот се превртел поради силни бранови.

Портпаролот на полицијата на државата Квара за новинската агенција „АФП“ изјави дека бројот на жртви најверојатно ќе биде поголем. Жителите на селата и населбите покрај реката Нигер често се возат со брод затоа што стигнуваат до својата дестинација побрзо отколку со автомобил. Сепак, бродските компании често земаат премногу патници и ги преоптоваруваат бродовите за да заработат што е можно повеќе пари.