Најдобрата ракометна судиска двојка Ѓорѓи Начевски и Славе Николов ќе бидат дел од судиите кои ќе ја делат правдатат „Супер-глоуб“ кој од 5. до 9. септември ќе се одржи во Саудиска Арабија.
Настапот на „Супер Глоуб“ е продолжение на настапите на Начевски и Николов на најголемите и најзначајните ракометни настани, тие минатата година ја делеа правдата на финалето на Европското првенство, а минатиот месец го судеа и финалето на машкиот ракометен турнир на Олимписките игри во Токио.

На „Супер Глоуб“ ќе настапат европскиот шампион Барселона, финалистот Алборг, победникот во Лигата на Европа, Магдебург, како и Ал-Вехда и Ал-Нор од Саудиска Арабија, Сан Франциско од САД, Ал-Духаил од Катар, Сиднеј од Австралија, Пињеирос од Бразил, а сè уште се очекува да се види кој ќе биде претставник од Африка.