На сцена заедно, а зад неа…: Браќата Галагер од „Оејзис“ ќе имаат посебни соблекувални на турнејата поради долгогодишната кавга
Членовите на култната група „Оејзис“, браќата Ноел и Лијам Галагер, наводно ќе бидат разделени кога не се на сцената во текот на нивната долгоочекувана турнеја во 2025 година, што значи дека ќе имаат посебни гардероби и ќе патуваат одделно, што не е невообичаено со оглед на нивните долгогодишни несогласувања и конфликти.
Препорачано
Браќата се скараа од 2009 година, по тепачката зад сцената во Париз, која доведе до тоа што Ноел (57) го напушти бендот и оттогаш беше вплеткан во јавна расправија со Лијам (52), пишува „Дејли мејл“.
Но, иако успеаја да ги остават своите несогласувања настрана за да се вратат на сцената, браќата ќе имаат посебни соблекувални и превоз за турнејата во 2025 година за да избегнат потенцијален конфликт и последичен „ПР и финансиски кошмар“, објаснуваат нивните агенти.
– Тие ќе работат заедно за промотивниот дел од турнејата и на настапот, а освен тоа најчесто ќе бидат разделени. Секако дека ќе одржат заеднички проби, но атмосферата секако ќе биде наелектризирана – изјави извор за британски „Мирор“.
