Францускиот фудбалски сојуз сериозно размислува за воведување нов формат во одредувањето на шампионот во Лига 1, пренесува угледниот „Л’Eкип“. Идејата е дел од поширок план за трансформација на францускиот професионален фудбал, кој предвидува и укинување на постојното тело ЛФП (Професионална фудбалска лига), кое моментално управува со Лига 1 и Лига 2, и воведување нов управен модел инспириран од Премиер лигата.

Целта на промената е да се врати неизвесноста и возбудата во трката за титулата, особено по доминацијата на Пари Сен Жермен, кој неодамна ја освои четвртата последователна шампионска титула.

На чело на работната група која го разгледува предлогот е претседателот на Тулуз, Дамиен Комоли. Според новиот модел, титулата во Лига 1 би се доделувала преку завршен турнир, т.н. „фајнл фор“. Првопласираниот тим би играл против четвртопласираниот во едно полуфинале, додека вториот и третиот би се сретнале во другото. Победниците од двата дуели би се соочиле во финалето кое би го одредило новиот шампион.

Сличен формат веќе се користи во женската Аркема Прва лига, и според највите новиот предлог веќе добил позитивни реакции од дел од клучните клубови во француската елита.