На подиумот за млади музичари „Виолин фест“ ќе блеснат виолинисти од Македонија, Србија и Косово
Во Камерната сала на Филхармонија на 9 јуни, со почеток во 20 часот, ќе се одржи 11-тото издание на „Виолин фест“ – фестивал каде што соништата имаат гудало, а секоја нота е чекор поблиску до иднината.
Препорачано
-
1
-
2
-
3
– Овде нема натпревар. Нема гламур. Само чиста музика и храбри млади луѓе што свират како да им зависи животот од тоа. И можеби навистина им зависи – бидејќи кога си млад, а музиката ти е сè, оваа сцена значи повеќе од аплауз. Фестивалот постои за да им даде простор. Звук. Слушатели… И ако некогаш сте се запрашале како изгледа надежта – дојдете да ја слушнете. Во очите на децата. Во движењата на рацете. Во воздухот што трепери од страст – вели виолинистот Владимир Костов, идеен творец на „Виолин фест“.
На сцената, годинава ќе блеснат виолинисти од Македонија, Србија и Косово, а ќе ги придружува пијанистката Марија Вршкова. Влезот е слободен, а фестивалот е поддржан од Министерството за култура и туризам.
(Текстот е објавен во „Културен печат“ број 284, во печатеното издание на весникот „Слободен печат“ на 6-8.6.2025)
