Американскиот актер Вестон Кејџ Копола, син на Николас Кејџ, беше уапсен минатиот месец за напад со смртоносно оружје. На неговото апсење му претходеше нападот врз неговата мајка Кристина Фултон, кој се случи во април.

Вестон се појави на суд во средата со неговата мајка Кристина и се изјасни за невин за напад со смртоносно оружје, пренесува „Ти-ем-зи“. Потоа, Фултон избегна да одговори за нивната врска по нападот, но рече дека сака нејзиниот син да ја добие сета помош што му е потребна. Подоцна рекол дека на мајка му ѝ е потребна помош.

Адвокатскиот тим на актерот ги отфрли сите обвинувања против него и тврди дека тој е „само жртва и сведок“.

Инцидентот со Фултон се случи на крајот на април. Полицијата била повикана во нејзиниот дом откако Вестон, наводно, повеќепати ги удрил двете жртви. Не се знае која е другата наводна жртва, а додека полицијата пристигнала на местото на инцидентот, актерот побегнал. Неколку дена подоцна, Фултон е видена со повреди на лицето.

После тоа, тие го обвинија за две точки од обвинението за напад со смртоносно оружје и го уапсија. После тоа, Фултон се огласи.

„Добив итна порака од пријател на мојот син Вестон Кејџ во врска со неговата влошена ментална состојба и ме замолија да дојдам да им помогнам. Во следните неколку минути бев брутално нападната и се здобив со сериозни повреди“, рече тогаш таа.

Таа додаде дека ѝ рекла на полицијата да го приведе син ѝ за да ја процени неговата психичка состојба, но тие наводно одбиле.

Актерот бил ослободен од затвор со кауција од 150.000 долари, која наводно ја платил неговиот татко.

Во средата, судијата издаде и заштитна наредба за Фултон, со која му забрани на син ѝ да ѝ пријде додека не се реши случајот.