ВИДЕО ИНТЕРВЈУ | На Клинички Центар ќе никнат две нови катни гаражи- најави Меџити
Министерот за здравство Фатмир Меџити во утринското гостување во емисијата „Слободен печат“ најави дека сообраќајниот метеж на Клиничкиот центар во Скопје, ќе биде решен со две нови катни гаражи кои ќе бидат поставени на самиот влез на клинички центар, кај стара гинекологија и во близина на хелиодромот.
Препорачано
-До април 2023 година, Град Скопје имаше договор за паркингот на Клинички центар. Тој договор за управување со паркингот истече, ама додека не најдеме решение, продолжи Градот да го контролира паркингот. Најдоцна три месеци после Нова Година, ќе има две катни гаражи на Клинички центар, една кај главната капија а другата во близина на хелиодромот и така ќе се реши сообраќајниот хаос на Клинички Центар, изјави Меџити.
Тој истакна дека до мај месец Клинички центар ќе продолжи да функционира со економски директори.
Целото интервју на колешката Валентина Ангеловска погледнете го во продолжение:
