Долгогодишниот менаџер на Барнли, Шон Дајч, вчера преку британските медиуми го изрази своето незадоволство поради Венсан Компани, кој после него го водеше англискиот фудбалски клуб.

За многумина претставуваше изненадување назначувањето на младиот белгиски стручњак како нов тренер на Баерн Минхен, откако со Барнли испадна од Премиер лигата.

Играчите на Баерн се моментно на првото место на табелата во Бундеслигата и се пласираа во четврт-финалето на Лигата на шампионите, каде ќе ги одмерат силите со Интер.

Дајч, кој оваа сезона доби отказ од Евертон, не штедеше зборови на критики кон Компани, а сето тоа поради Барнли, за кој чувствува дека е негов клуб.

– Потрошив девет милиони фунти во Барнли во 2014 година и испаднавме од Премиер лигата со 33 освоени бодови. Компани освои 24 бодови, иако потроши 127 милиони фунти на засилувања. А потоа доби работа во Баерн. Мене тука ништо не ми е јасно. Не знам како функционираат овие работи. Посакувам јас така да работам, би сакал после сето тоа да го преземам Баерн – рече Дајч.