Сабри Азири, член на претседателството на Алијансата за Албанците и политички советник на Арбен Таравари, се спротивстави на одлуката на партијата да излезе од владејачката коалиција и да продолжи да делува како опозиција.

Во објава на социјалните мрежи, тој го повика членството „да остане на патот за кој добиле мандат од граѓаните – изградба на функционална држава, борба против криминалот и посветеност на реформите“.

Азири вели дека „Алијансата за Албанците е поважна од сè“ и дека „не смее да се дозволи партијата да се подели или да се предаде на други влијанија“. Тој повика сите кои не се согласуваат да продолжат по друг пат, а тој и неговите поддржувачи ќе останат верни на партијата и нејзините цели.