Кошаркарите на МЗТ Скопје Аеродром со доминантна игра ја отворија полуфиналната серија од плејофот со убедлива победа во „Јане Сандански“ од 81:67.

Уште од стартот актуелните шампиони во македонското кошаркарско првенство почнаа да блескаат, остварувајќи предност од „плус 16“ во првата четвртина (26:10).

Во третиот период играчите на тренерот Васко Атанасов достигна и позитива и од 31 кош разлика (64:33).

МКК Куманово до крајот на мечот успеа да намали пола од негативата и да го ублажи поразот.

Најпрецизни во победничките редови беа Д. Стојановски со 18 поени (6/7 тројки), Б. Крстевски запиша 14 поени, Марин П. додаде 12.

На спротивната страна Л. Петровиќ имаше 15 поени (пет скокови, шест асистенции), У. Луковиќ 12 поени (пет скокови), додека М. Јовановиќ запиша учинок од 10 поени.

МЗТ ќе биде домаќин и на вториот натпревар од оваа серија која се игра според форматот „подобар во пет натпревари“.