Актуелниот македонски кошаркарски шампион МЗТ Скопје Аеродром дојде до првиот триумф на турнирот во Златибор во АБА2 лигата откако со убедливи 93:64 триумфираше над Сутјеска од Црна Гора.

Војдан Стојановски, со пет поени по ред, се воведе одлично во мечот со Сутјеска. Најава за добра игра и на МЗТ, кој брзо се стекна со сосема солидна предност (12:4), а нешто подоцна, „сино-белите“ имаа и 17:10. Во таа прва четвртина, МЗТ имаше и максимални 23:12, па и 25:14, кога поентираше и резервистот Андоноски.

Но тоа не беше сè од „металците“ во таа одлична четвртина заштоа што тројка реализира капитенот Дамјан Стојановски (четврта тимска, од пет обиди), за двојно поголеми (28:14). Во исто темпо продолжи МЗТ кој за 90 секунди во втората четвртина, направи серија од 7:1 за „плус 20“ (35:15). Серијата траеше и до уште повисоки 41:17.

Освен В. Стојановски, до двоцифрен број на поени стигнаа и Танасковиќ и Ворку, потоа и Крстевски, а свои минути имаа во третата четвртина имаа Робев, но и младиот Петковски.

Како почнаа, така и кошаркарите во „сино-бела“ комбинација го завршија овој натпревар. Видно мотивирано одиграа и во последните 10 минути, беше направена нова голема серија од 15:1 со која отидоа и на најубедливи 82:51, како потврда на највисокиот триумф во оваа сезона од АБА2 лигата.

За нашиот првак В. Стојановски запиша 17 поени (шест асистенции), а за Сутјеска Американецот Брејси со 15 поени (девет асистенции).