Министерството за внатрешни работи пред малку се огласи со првото официјално соопштение за крвавите настани синоќа во Прилеп.

Убиецот, кој според првичните информации е Петар Мајоски со прекар Белото, познат криминалец, најпрвин ги киднапирал внукот од сестра заедно со неговиот малолетен син, а потоа и смртно ги застрелал. Кога дошле полицајци, злосторникот фрлил бомба кон нив, но таа не експлодирала. По ова, тој почнал да пука кон полицајците, кои возвратиле со оган.

„На 12.07.2025 во 21:20 часот во ОВР Прилеп К.Ч.(43) од Прилеп пријавила дека од домот се оддалечиле нејзиниот сопруг П.Ч.(43) и нејзиниот 13-годишен син и истата изјавила дека можно било да отишле во куќата на нивниот роднина П.Ѓ.(62) од Прилеп. Од страна на полициски службеници била извршена проверка во домот на П.Ѓ. но никој не ја отворил вратата. По наредба од јавен обвинител, полициски службеници со употреба на сила ја отвориле вратата и кога влегле во куќата едно лице фрлило бомба кон нив која почнала да чади, но не експлодирала. Откако полициските службеници излегле од куќата, било пукано кон нив, при што од полициските службеници било возвратено со пукање од службено оружје кон куќата. Денеска (13.07.2025) во 01.35 часот од страна на лекар од Итна медицинска помош констатирана била смрт како последица од повреди од огнено оружје кај П.Ч., П.Ѓ. и 13-годишен малолетник“, соопштија од МВР.

Убиецот во Прилеп ги убил внукот и 11-годишното дете поради спор за имот со неговата сестра