Текстописецот и мултиинструменталист, Иван Кукиќ, го објави својот деби сингл „Балада за една љубов“, со кој ја започнува својата соло кариера. Тој е постојан член на триото на Влатко Стефановски, каде свири бас-гитара, како дел од младата ритам секција, која беше пофалена на нивниот последен албум „Taftalidze Shuffle“.

Иван студира музичка продукција и дизајн на звук и свири на дури шест инструменти: гитара, тапани, пијано, контрабас и народни инструменти. Покрај тоа, тој, исто така, компонира, аранжира и пее, што го прави еден вид совршен музичар. Не е чудно што неговиот талент исклучително го цени легендарниот Влатко Стефановски.

– Мојот живот е музика, а музиката прави чуда. Затоа ја сакам, и од кога се сеќавам, никогаш не размислував за тоа што ќе бидам во животот и дали би се занимавал со нешто друго освен со музиката – изјави Кукиќ, кој веќе го подготвува и својот прв албум за пролетта 2023 година.

На албумот ќе се најдат инструментални и вокални теми, испеани на српски, хрватски и на македонски јазик. Музиката за „Балада за една љубов“ ја напиша Иван, текстот е на Стефан Илиќ, а заедно се погрижија за аранжманот на песната. Ѓорѓи Вацев и Георги Концалиев се заслужни за одличното видео во кое главниот лик е Кукиќ, а покрај Иван, во него учествуваат и Елена Донева и Љубомир Митровски.

(Текстот е објавен во „Културен печат“ број 158, во печатеното издание на весникот „Слободен печат“ на 10-11 декември 2022)