Македонскиот репрезентативец, Висар Муслиу, и официјално кариера ја продолжува во Германија откако денеска е претставен како нов играч на второлигашот Инголштад.

– Многу сум среќен што потпишав за ФК Инголштад 04. Посебно е тоа што ќе играм во Германија. Првите впечатоци од клубот и разговорите со раководството беа многу позитивни – изјави Муслиу.

Муслиу во Инголштад дојде од унгарскиот шампионат каде од 2019 година го носеше дресот на МОЛ Фехервар.
Германскиот тим се наоѓа во незавидна позиција, се наоѓа на последното место на табелата во втората германска лига со 10 бода, седум помалку од 16-пласираниот Сандхаузен кој се наоѓа на позиција која му носи бараж натпревар за опстанок.