Жозе Мурињо/ Фото: EPA-EFE/Shaun Botterill/POOL

Мурињо во улога на критичар за натпреварите на Европското првенство

„Специјалниот“ ќе има дневна колумна и од 11 јуни до 11 јули 2021 година ќе пишува за натпреварите на Европското првенство, а претпоставуваме дека најмногу ќе биде базиран на англиската фудбалска репрезентација.

Можеби не е тоа во што најмногу ужива, но не се сомневаме дека Жозе Мурињо и во оваа работа ќе биде посветен до самиот крај.

Пред 10 дена Португалецот доби отказ во Тотенхем, но брзо најде нова обврска. Кој сака да работи, работа секогаш има, така испадна и во случајот со еден од најдобрите тренери во светот на фудбалот.

Овојпат Мурињо нема да го гледаме во улога на менаџер, туку во улога на критичар.

Иако навикна да биде критикуван, сега тој ќе биде човекот кој ќе дели критики кон другите, со оглед на тоа што британскиот „Сан“ го вработи како главен колумнист за ЕП. Се надеваме дека нема да има многу критики за најдобрата македонска репрезентација, туку ќе има само пофални зборови..

Од 2019 година го водеше Тотенхем, но не се прослави, за разлика од некои поранешни клубови со кои ја освојуваше Лигата на шампионите, национални првенства, купови и многу други титули. Прво беше помошник тренер во Барселона, потоа работеше во Бенфика, Леирија, Порто, Челси, Интер, Реал Мадрид и Манчестер јунајтед.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот