Мурињо го има победничкиот рецепт на „Боксинг деј“ (ФОТО+ВИДЕО)
Денеска во првиот натпревар од „Боксинг деј“, Тотенхем пред своите навивачи со резултат 2:1 триумфираше над Брајтон. После првото полувреме водеа гостите од 37. минута, Грос изведе еден прекрасен слободен удар, највисоко во казнетиот простор скокна Вебстер кој со глава ја испрати топката во мрежата на Гацанига.
Препорачано
Во вториот дел се случи комплетниот пресврт на стадионот во Лондон благодарение на Кејн и Али.
Менаџерот Жозе Мурињо кој го води Тотенхем е вистински мајстор кога се во прашање мечевите на „Боксинг деј“. Португалецот никогаш не загубил во осумте премиерлигашки дуели, со учинок од шест победи и две нерешени средби.
8 – Tottenham boss José Mourinho has never lost in eight @premierleague games on Boxing Day (W6 D2), managing more games without defeat on the day than any other manager in the competition. Chosen. #TOTBHA pic.twitter.com/wHACPvFfIe
— OptaJoe (@OptaJoe) December 26, 2019
Англискиот репрезентативец Кејн чиј прв удар беше запрен од Гацанига, но не и вториот за израмнување на 1:1.
Продолжија силните налети на фудбалерите на Мурињо, Орие убаво го пронајде Али кој испрати еден вид на лоб удар за голема радост на трибините.
Тотенхем после осмиот триумф сезонава во Премиер лигата се наоѓа на петтото место со 29 бодови, додека Брајтон кој веќе четири натпревари не знае за победа е на 13. позиција со 20 бодови.
