Тренерот на Рома, Жозе Мурињо не очајуваше многу по ремито против Венеција, кое го доведе во прашање пласманот на „Волчицата“ во европските натпреварувања следната сезона, свесен дека освојувањето на Лигата на конференциите е приоритет.

Рома е во позиција да заврши на осмото место во случај на славје на Фиорентина и Аталанта.

Мурињо знае дека Рома сигурно ќе игра во групите на Лига Европа следната сезона доколку го победи Феенорд на 25 мај во Тирана во финалето на Лигата на Конференции, па не жали многу за загубените два бода против Венеција на „Олимпико“ во Рим.

Тој подвлече дека Рома има навистина верни навивачи и дека сега фокусот е на освојување на Лигата на конференции.

– Им благодариме на навивачите. Уште еднаш покажаа дека се семејство. Начинот на кој секогаш треба да им се заблагодариме е да дадеме сè од себе на теренот, што го направивме тоа против Венеција. На крајот, доколку освоиме трофеј, тие тоа повеќе го заслужуваат.

Јасно е дека во одредени моменти се мачевме бидејќи имаме многу играчи кои се борат со повреди. Сега сме фокусирани на финалето – рече Мурињо за „Скај Спорт Италија“, додавајќи дека доколку Милан или Интер го освојат Скудетото, тоа ќе биде поради навивачите.

ВИДЕО: Рома имаше дури 46 удари кон противничкиот гол и не успеа да победи