Управата на Рома ја одби понудата на Тотенхем за Николо Заниоло на инсистирање на тренерот Жозе Мурињо.

Италијанските медиуми објавија дека понудата тешка 35 милиони евра не била доволна за Мурињо да даде зелено светло за трансферот, а Тотенхем чиј тренер е Антонио Конте подготвува нова побогата понуда.

Рома минатата недела потпиша со Пауло Дибала кој дојде како слободен играч, а Мурињо се надеваше дека тој потег ќе го премисли Заниоло и ќе потпише нов договор, но италијанскиот репрезентативец е упорен уште летово да си замине од „Олимпико“.

Мурињо им порачал на челниците на Рома да не помислат да се ослободат од Заниоло за помалку од 45 милиони евра.

Конте е подготвен да ја понуди бараната сума само за да да дојде до потписот со Заниоло пред Јувентус кој исто така пројавува интерес за италијанскиот репрезентативец.