Холандскиот ветеран, Весли Снајдер откри интересна ангедота за Мурињо и Матераци поврзана со финалето во Лигата на шампионите во 2010 кога Интер го победи Баерн со 2:0.

Интер со генерацијата во која дел беше и Горан Пандев таа година освои „триплета“ (Лига на шампиони, Куп на Италија и Серија А). Снајдер сега открива дека Мурињо бил убеден во победа на неговиот тим, а го погодил дури и точниот резултат.

„Мурињо и Матераци имаа посебна врска, беа навистина блиски. Неколку недели пред финалето Жозе го викна во неговата канцеларија и му кажа: Тука има писмо, ќе го ставам во фиока, а ти отвори го кога ќе заврши натпреварот“.

„На тоа писмо буквално го пишуваше точниот резултат од финалето. Освојувањето на Лигата на шампионите е сон на секој фудбалер, кога добив шанса да го допрам, тоа беше момент кој никогаш нема да го заборавам“, изјави Снајдер.