Во таборот на фудбалскиот клуб Македонија Ѓ.П. пред репрезентативната пауза ја направија можеби најважната работа сезонава, ја прекинаа серијата порази на стартот на Првата македонска лига и освоија бодови против Пелистер на домашен терен.

Сега, откако домашниот шампионат се рестартира, Македонија Ѓ.П. доаѓа на Арената на дуел со Вардар.

Се знае што значи тоа, мотивација до небо за младите фудбалери на „лавовите“, но и респект кон противникот кој во моментов е на самиот врв на табелата:

– Нормално е што сме мотивирани до максимум. Вардар е мотивација сам по себе. Вечерен термин на Арената, публика… Кој не би сакал да биде дел од овој меч? Вардар е фаворит, но само на хартија. Далеку од тоа дека ние ќе го прецениме противникот. Знаеме што можеме, Македонија ЃП има квалитет да му се спротивстави на секого. Конечно го скршивме мразот против Пелистер и сега само треба да продолжиме понатаму во шампионатот. Имаме капацитет и квалитет да го изненадиме Вардар вечерва – вели фудбалерот на Македонија ЃП, Мухамед Елмас.

Натпреварот од петтото коло во шампионатот меѓу Вардар и Македонија ЃП ќе се игра денеска од 19.00 часот.