Апелираме општината и градоначалникот Тимчо Муцунски да бидат поревносни во детектирање и превенција на вакви слични несоодветни појави кои немаат место во основните училишта во општината Аеродром, порачаа од партијата Левица, откако беше објавено дека во училиштетот „Љубен Лапе“ на територија на Општина Аеродром, сепак нема да се организира настанот, според кој беше планирано ученицте да се облекуваат во спротивниот пол.

„По жестоките реакции пред сѐ на родителите оваа програма со ден за носење во училиште алишта од спротивниот пол е експресно откажана. Основните училишта се места каде што децата треба да се образуваат, а не се места каде треба да се промовираат вакви „вредности” кои не се во склад со детскиот живот, нивното образование и правилен развој. Бидејќи градоначалникот Тимчо е секој втор ден во некое школо или градинка за да се слика сметаме и дека треба да поведе повеќе сметка за тоа што се случува во школите со цел да не доаѓа до вакви ситуации каде родителите и јавноста мораат да реагираат во одбрана на своите деца и нивниот развој, велат од Левица.