Битолската јавност е вознемирена откако на некои локални портали се прошири веста дека во Клиничката болница имало мртвородено бебе.

Од СВР Битола засега не го потврдуваат случајот, бидејќи до нив како што ни изјавија не била поднесена никаква пријава, ниту пак информација за смртта на бебето.

Имено од засега непотврдени извори бебето починало во стомакот на родилката  откако наводно  ѝ била дадена таблета да го испровоцира породувањето, но родилката била пуштена  дома од лекарот гинеколог кој бил дента на смена.

Според информациите, кога родилката се вратила ноќта во болница да се породи  веќе било доцна.

Пред еден месец во болницата во Битола под нејасни околности почина 6-годишната Јана за која од семејството обвинија дека смртта настапила поради лекарска грешка. Се чека обвинителството да ги утрди точнит причини за смртта на малечката Јана Христовска.