Во психологијата постои една комбинација на лични карактеристики кои се нарекуваат темна/мрачна тријада и тоа се: нарцизам, макијавелизам и психопатија/социопатија.

Оваа тријада станува особено опасна кога ја поседуваат луѓе на моќни позиции, бидејќи овие три карактеристики резултираат со манипулативно, себично, користољубиво за лични цели однесување, непресметливост, со антисоцијални поведение и недостиг на емпатија и совест.

Накусо за овие карактеристики:
Нарцисти – овие луѓе се доживуваат како нешто грандиозно и посебно, со право на доминација и недостаток на емпатија. Тие бараат восхит и веруваат дека се супериорни во однос на другите. Знаат да бидат прилично шармантни, бидејќи им е битно да ги „заведат“ останатите.

Макијавелисти – тие се манипуланти кои работат за лична корист, а на штета на другите. Изигрувањето, измамата и неморалот им се најблиски пријатели.

Психопати – кај нив постои отсуство на емпатија, ладнокрвни се, без морален компас и немаат совест за последиците од нивното поведение.

Социопати – сосема слични со психопатите во однос на недостиг на емпатија и совест, но се импулсивни и отворено агресивни, со слаба контрола на своето поведение. Тие се често пати конфликтни и тешко одржуваат стабилни релации.
Го прашав чат џипити кои лидери низ историјата ја поседувале оваа мрачна тријада и одговорот е: Сталин, Хитлер, Мао Цедунг, Садам Хусеин, Муамер Гадафи, .

Потоа го прашав за современите лидери со овие карактеристики и ми одговори (со задршка), бидејќи, како што пиша, би било добро да се направи психолошка анализа, но ја наведе листата: Владимир Путин, Ким Јонг Ун, Реџеп Таип Ердоган, Доналд Трамп, Жаир Болсонаро, Родриго Дутерте (поранешен претседател на Филипини) и Кси Џинпинг. Со напомена дека Болсонаро и Трамп повеќе инклинираат кон соципатијата како карактеристика, бидејќи психопатите се ладнокрвни во јавните настапи, а вториве, импулсивни и отворено агресивни.

(Авторката е советник за личен развој и лидерство)

ЈАЗИКОТ НА КОЈ СЕ НАПИШАНИ, КАКО И СТАВОВИТЕ ИЗНЕСЕНИ ВО КОЛУМНИТЕ, НЕ СЕ СЕКОГАШ ОДРАЗ НА УРЕДУВАЧКАТА ПОЛИТИКА НА „СЛОБОДЕН ПЕЧАТ“