Возачот на Сузуки, Жоан Мир ја освои титулата шампион на „кралската“ класа пред самиот крај на сезоната.

Тој го освои седмото место на Големата награда на Валенсија на која триумфираше Франко Морбидели од Петронас Јамаха.

За Мир ова е втора титула во неговата кариера, откако претходно беше шампион во Мото3 категоријата во 2017 година.

Воедно стана првиот возач кој ги освоил Мото3 и најдобрата „класа“, а исто така и прва титула на Сузуки после 20 години, а тогаш првак беше Кени Робен јуниор.

На победничкиот подиум покрај Морбидели се најдоа уште Џек Милер од Прамак и возачот на КТМ рејсинг, Пол Еспаргаро.