Во рамките од Мото ГП шампионатот возачот на „Априлија“, Маверик Вињалес, ја освои пол-позицијата за спринтот и трката во Валенсија – поставувајќи нов рекорд на патеката откако го постави својот најбрз круг за 1:28.931 минути.

Второто место го зазеде лидерот во шампионатот Франческо Бањаја на „Дукати“, а третото Жоан Зарко од „Прамак“.

Разочарувачката шеста позиција ја има ривалот на Бањаја во борбата за титулата – Хорхе Мартин.

Токму во Валенсија каде ќе се вози последната трка ќе го дознаеме шампионот за сезоната 2023.

Моментно води Бањаја со 437 бодови, а на второто место е Мартин со 416.