Возачот на КТМ рејсинг, Мигел Оливеира победи на трката за Големата награда на Индонезија.

Португалецот беше најдобар на патеката „“Мандалика“ која се врати во календарот за Мото ГП трките по пауза одс 25 години, и ја оствари четвртата победа во најсилната класа, а вкупно 16 во кариерата.

Второто место со две секунди заостанување му припадна на актуелниот шампион Фабио Квартараро, додека третото место му припадна на Жоан Зарко.

На последниот тренинг пред трката, стравичен пад имаше осумкратниот шампион Марк Маркез кој доби потрес на мозокот поради што не доби дозвола да се трка.

Потоа стјуардите одлучија да ја скратат трката за една четвртина од безбедносни причини, односно поради големото трошење на пневматиците,а пред стартот на трката во Мото ГП класата започна да врне силен дожд поради што стартот беше одложен за повеќе од еден час.

На крајот кога се овозможија услови да се започне со трката, Квартараро имаше најдобар старт, зад него беше Џек Милер, додека Оливеира беше третопласиран.

Португалецот во петтиот круг дојде до првата позиција и не ја испушти до крајот на трката.Во Мото 2 класата победи возачот на Хонда, Сомкијат Чантра пред Виети од В46 тимот. Во Мото 3 класата, најдобар беше Денис Фоџа од Леопард тимот пред Исан Гевара.
Наредната трка во Мото ГП шампионатот ќе се вози за трката на ГН на Аргентина на 3 април.