Возачот на „Јамаха“, Фабио Квартараро славеше на 12 трка оваа сезона во Мото ГП шампионатот, Големата награда на Веблика Британија и со тоа направи голем чекор во борбата за титулата.

Младиот Французин ја забележа петтата победа сезонава на легендарниот „Силверстоун“, осма во „кралската“ класа, и деветта во кариерата, по неверојатно возење практично цел викенд.

Квартараро дојде до победата пред Алекс Ринс од „Сузуки“, и беше побрз за три секунди. Третото место му припадна на Алеш Еспаргаро од „Априлија“.

Еспаргаро воедно испиша историја бидејќи на италијанскиот тим му го донесе првиот подиум во Мото ГП ерата.

The championship stretches out of reach a little further! ?@FabioQ20 extends his lead to 65! ?#BritishGP ?? pic.twitter.com/FzkpDXLSsU

— MotoGP™? (@MotoGP) August 29, 2021

Исто така, седумкратниот светски шампион Валентино Роси го имаше својот последен настап на ГН на Велика Британија во кариерата, освојувајќи го 18 место, а беше шести во првите неколку круга.

После овој триумф Квартараро сега има 206 бодови, Жоан Мир 141, следува Жоан Зарко со 137 и Франческо Бањаја со 136. Следната трка се вози за Големата награда на Арагон, 12 септември.