Српскиот фудбалер Душан Влаховиќ се повреди на натпреварот од Лигата на нации против Данска и нема да го предводи нападот на Јувентус в сабота од 18.00 часот на Сан Сиро против Милан во Серија А.

– Влаховиќ поради повреда сигурно нема да игра против Милан, но ќе видиме за Астон Вила – изјави денеска тренерот на Јувентус, Тиаго Мота.

Мота ја коментираше и изјавата на Влаховиќ дека како единствен шпиц во Јувентус „се троши премногу“ во одбраната и дека од таа страна му е полесно да игра за Србија.

– Верувам во сите мои играчи и знам дека ќе дадат се од себе во офанзива и дефанзива – изјави Мота на прес-конференцијата.

Следната среда од 21:00 часот Јувентус ќе и гостува на Астон Вила во Лигата на шампионите.