Руската Федерална служба за безбедност (ФСБ) денеска соопшти дека две лица поврзани со британската амбасада во Москва биле замолени да ја напуштат земјата бидејќи работеле за тајните служби, јави руската државна новинска агенција ТАСС.

Агенцијата ја цитираше ФСБ, според која и двете лица намерно објавиле лажни лични податоци кога влегле во Русија.

ФСБ соопшти дека открила „индикации за шпионажа и саботажа“ од двајцата, што претставува закана за националната безбедност на Русија.

Агенцијата додава дека на овие лица им бил даден рок од две недели да ја напуштат земјата.

Руското Министерство за надворешни работи соопшти дека ваквиот развој на настаните го повикал претставник на британската амбасада во Москва.

Засега нема коментар од Британија.