Руското Министерство за одбрана пренесува дека по преговорите со Украина успеало да ослободи 50 заробени руски војници.

Според „Ројтерс“, ослободените војници ќе заминат во Москва на медицинска и психолошка рехабилитација.

„Како резултат на преговорите, 50 руски војници, кои беа во заробеништво во смртна опасност, се вратија од територијата под контрола на режимот во Киев на 8 јануари“, се вели во соопштението на Министерството за одбрана.

Украина ја потврди оваа информација, додавајќи дека како дел од истиот договор, 50 украински војници се ослободени од руско заробеништво.