Московскиот суд ја потврди забраната за учество на изборите на Надеждин
Либералниот руски политичар изгуби уште една жалба против одлуката на изборните службеници да му забранат да се кандидира на гласањето следниот месец, на кое претседателот Владимир Путин сигурно ќе добие уште еден шестгодишен мандат.
Борис Надеждин ветуваше дека доколку дојде на чело на државата запирањето на конфликтот во Украина ќе биде негова главна цел, а одбивањето на властите да го регистрираат за претседателските избори, ја истакна одбивноста на Кремљ од секое јавно противење на постапките на Путин.
Судската пресуда со која се отфрли жалбата на Надеждин, уследи по смртта на главниот непријател на Кремљ, Алексеј Навални во оддалечен затвор на Арктикот, што предизвика глобален гнев и и нанесе тежок удар на руска опозиција.
По еден ден расправа, рускиот Врховен суд одлучи да ја отфрли жалбата на Надеждин против одлуката на Централната изборна комисија да му забрани учество на претседателските избори, закажани да се одржат меѓу 15 и 17 март.
Судот претходно ги одби неговите две други жалби поврзани со техничките аспекти на потегот на комисијата.
Надеждин најави жалба на пресудата.
Илјадници Руси ширум земјата потпишаа петиции за поддршка на кандидатурата на Надеждин, што е необично покажување поддршка во строго контролираниот политички пејзаж.