По веста за трагичната смрт на Андреј Ѓорѓиески од „ДНК“ кој го загуби животот во пожарот во Кочани за време на настапот на бендот меѓу големиот број јавни личности и Македонскиот народен театар се опрости од пејачот.

Имено, тие упатија сочувство до братот на Андреј, Александар Ѓорѓиески кој е дел од активниот ансамбл на МНТ.

„Со големо жалење ја примивме веста за смртта на музичарот Андреј Ѓорѓиески, брат на нашиот колега актерот Александар Ѓорѓиески, дел од активниот ансамбл на МНТ. Загубивме голем музичар, хуманитарец и пријател. Изразуваме огромно сочувство за недоместливата загуба до Александар и неговото семејство, пријатели и колеги“, пишува во соопштението.