Иако имаше многу понуди и од странство, младинскиот репрезентативец на Македонија Димитар Данев реши да стави потпис на четиригодишен договор со фудбалскиот клуб Вардар, до 2029 година.

Со овој потег, управата на најтрофејниот клуб во Македонија докажа дека се грижи за иднината на својата екипа и на македонскиот фудбал.

Данев има 19 години, доаѓа од ФК Работнички, неговата позиција е офанзивен играч за врска, но воедно може да игра и на двете крилни позиции.

Претходно скопските „црвено-црно“ како ново летно засилување го промовираа и аргентинскиот играч од средниот ред, Диего Факундо Кастањеда (26) која минатата сезона ја помина во Црна Гора во дресот на Петровац.

Офанзивен играч од средниот ред, во своите настапи во Црна Гора, постигна седум голови и запиша пет асистенции. Претходно играше за Бока Јуниорс до 20 години, а подоцна и за Б-тимот на Бока Јуниорс.

Вардар се засили со фудбалер кој играл во француската Лига 1!