Како што објавија денеска од естонскиот фудбалски клуб Талин Калев, нов играч на екипата е младинскиот репрезентативец на Македонија, Абиола Бамијоко.

Бамијоко, 20-годишниот играч од средниот до крајот на сезоната ќе настапува за Талин Калев во обидот да остане клубот и следната сезона во елитата.

Помина низ младинскиот тим на ХЈК од Финска, една година беше дел од италијанската Сампдорија, а последен клуб му беше шведскиот тим Ескилстуна.

Воедно има настапи за фудбалските репрезентации на Македонија до 17, 18 и 19 години.

Според најавите се очекува своето деби за за Талин Калев да го има в недела (17 август) на домашен терен против Левадија.