Денеска во натпреварот за 25 место на Светското првенство во Полска машката младинска ракометна репрезентација на Македонија триумфираше над САД со 47:28.

После првото полувреме избраниците на селекторот Раде Стојановиќ имаа водство од 24:13.

Кај стрелците во нашата селекција се истакна Ненад Белистојаноски со седум голови, по пет имаа Дамјан Субашевски, Славчо Шулески и Мирче Калајџиески.

На спротивната страна осум погодоци беа дело на Родриго Менендез Кампос.

Македонија по овој триумф ја освои 25 позиција од 32 репрезентации што учествуваат на СП.

Нашите ракометни надежи на овој Мундијал имаа учинок од три победи и четири порази.