Вчеравечер се случил инцидент на скопскиот булевар „Крсте Петков Мисирков“, кога група од осум момчиња нападнале друга група од петмина малолетни скопјани, при што еден од напаѓачите се заканувал со нож, соопшти полицијата.

„На 25.03.2025 околу 23:35 часот во СВР Скопје било пријавено дека на автобуска постојка на бул.„Крсте Петков Мисирков“ во Скопје, пет малолетници од Скопје биле физички нападнати од осум машки лица, при што едно од нив им се заканувало со остар предмет. Се преземаат мерки за пронаоѓање на лицата“, пишува во полициското соопштение.