Поранешниот македонски репрезентативец Игор Митревски се приклучи на големиот број поранешни репрезентативци кои им даваат безрезервна поддршка на избраниците на селекторот Игор Ангеловски на утрешниот дуел против Косово во полуфиналниот бараж натпревар од Лигата на нации.

Поранешниот капитен на Спартак Москва кој има и 71 настап за македонската репрезентација смета дека Македонија е поквалитетна репрезентација од Косово и треба да се искористи шансата и да се победи противникот.
– Играме дома, мислам дека имаме подобар состав, имаме воиграна репрезентација, очекувам добар натпревар и мислам дека мора да ја искористиме оваа шанса против Косово – вели меѓу другото Митревски.