Во емисијата Директно на Телевизија Тера, спикерот на македонското Собрание, Јован Митрески ја обвини опозицијата дека и во Собранието и преку протести ширела хистерија дека македонскиот јазик ќе биде загрозен.

– Опозицијата ширеше хистерија на организирани протести дека некој прифатил дека македонскиот јазик е од 1945 година, дека некој прифатил македонскиот јазик да биде западен дијалект на бугарскиот јазик, но еве се потврди дека не е така. Македонскиот јазик е официјален јазик како што се и другите 26 јазици на ЕУ. Кога дојде да се гласа Договорот за Форнтекс кој се преговараше од 2016 година, тогаш опозицијата ја напушти салата и не гласаше за тој дооговор и фактички го донесовме сами. Тоа го направија со единствена цел да создадат некаква хистериј дека наводно некој извршил некакво предавство, што не е точно, рече Митрески.

Тој порача дека никој не смее да преговара за македонскиот јазик.

– Никој не може и не смее да преговара за македонскиот јазик и тоа се виде и во ЕУ и во преговарачаката рамка и тоа што целото европско законодавство сега се преведува на наш, македонски јазик, а се преведува затоа што ги започнавме преговорите со ЕУ, посочи Митрески.