Сашо Кузмановски на јавноста ѝ познат најмногу по неговиот ангажман како спортски новинар, но во последните години тој успеа да се профилира и како еден од најталентираните македонски автори на трилер романи.

– Во овие последни 20-30 години трилерот како жанр доживува вистинска експанзија. Ти да пополниш 30 проценти од пазарот на публицистика само по себе кажува. Еве за Фицек конкретно ако правиме муабет, човекот има од она што го видов јас помеѓу 10 и 20 милиони продадени примероци – вели Кузмановски.

За Митови и факти тој говори за жанрот во кој твори, но и за најпознатите светски писатели на трилери како Себастијан Фицек, Ли Чајлд, Харлан Кобејн и многу други. Тој вели дека добрата приказна почива на мит, но архитектурата на раскажувањето е исполнето со факти.