Тил Р. исчезнал во 2017 година откако се оддалечил од својот дом во Баварија. Пред неколку дена, или седум години од неговото исчезнување, тој повторно се појавил. Каде бил и што правел сите тие години останува мистерија.

Според германските медиуми, младиот човек исчезнал во септември 2017 година кога имал само 15 години. Полицијата започнала потрага, а во 2019 година во медиумите објавила негова фотографија.

Случајот беше тема на телевизиската програма Актензеишен ХЈ. Но и по тој пренос не се појавија корисни информации. Полицијата дури се посомневала дека тој е убиен, пишува магазинот Феникс.

Но, деновиве се случил пресврт. Младиот човек стапил во контакт со семејството. „Полицијата официјално ја прекина потрагата по Тил Р.“, соопшти полицијата.

Позадината на неговото исчезнување се уште не е позната. Во соопштението на полицијата се наведува дека не се работи за кривично дело.

Таткото на младиот човек за германската телевизија РТЛ изјавил дека неговиот син сега е добро.

„Одлична вест е што мојот син се врати. Добро е и пресреќни сме што реши да се врати дома. Неговите браќа отидоа да го земат. Живееше во голем германски град и работеше разни работи”, рекол таткото.