19-годишниот македонски скијач Мирко Лазарески не стигна до целта на првата велеслаломска трка во машка конкуренција на Светското првенство во Куршевел/Марибел во Франција.

Вчера Лазарески успешно ги помина квалификациите и заврши на 34-то место од 107 конкуренти, но денес не успеа да одговори на предизвикот. Грешка македонскиот скијач направи уште во првата фаза на патеката со што ја заврши трката.

Во квалификациите блиску до пласман на главната трка беше и Виктор Петков, но сепак не успеа како и Јаков Добрески и Борјан Стрезоски.