Мирисот на печени костени е нешто што асоцира на есен, а нивната сладост е вистинско уживање. Доколку сакате да уживате во тој вкус дома, не ви треба посебна рерна или тава. Печените костени можат да бидат вкусни и кога се приготвени во домашни ускови, а сè што ви треба е рерна и малку време да ги исечете, пишува „Путни кофер“.

Тајната на овој рецепт лежи во претходното варење на исечените костени, што ги прави полесни за чистење, помеки и повкусни. Печените костени од рерна со овој трик ќе бидат совршено вкусни и меки, а лесно се чистат.

Костените се богати со јаглехидрати и витамин Ц, а имаат околу 215 калории на сто грама. Печените костени, покрај тоа што се вкусни, се и најздравата опција за консумирање бидејќи на оваа храна нема многу шеќери и калории.

Подготовка:

Делот од подготовката што одзема најмногу време е нивното сечење додека се сирови, но ова е неизбежно и тоа мора да се направи за секое јадење со костени. Исечете го секој костен така што ќе забиете х на заоблениот дел.

Потоа во врела вода сварете ги костените пет минути. Алтернатива е само да ги потопите во ладна вода половина час, без готвење, но тоа го продолжува процесот. Ако некој сиров костен исплива на површината на водата, фрлете го. Ова е знак дека е црвјосан.

Потоа добро исушете ги костените и ставете ги на плех обложен со хартија за печење. Засечената страна на костените нека биде нагоре.

Печете ги во рерна загреана на 200 степени од 25 минути до половина час. Точното време зависи од моќноста на вашата печка. Костените се готови кога кората ќе се одвои, исто како оние што ги купувате на улица.

Печените костени оставете ги да „одморат“ така што ќе ги завиткате во крпа откако ќе ги извадите од рерна.

По околу 15 минути треба лесно да се лупат и да го имаат тој убав, препознатлив вкус.

Рецепт за намаз од костени, подобар и од чоколадниот