Старогрчките и римските статуи не биле бели, како денес, туку биле обоени во топли бои, открија научниците пред неколку години. Но, истите тие скулптури биле и парфимирани, покажа неодамнешното истражување на дански научник, пишува „Физ.орг“ (Phys.org).

– Намерата не беше статуите од бел мермер да изгледаат како статуи од камен. Намерата беше тие да личат на вистински богови и божици, изјави за данскиот научен портал „Videnskab“, Сесил Бронс, автор на студијата објавена во списанието „Oxford Journal of Archaeology“.

@jinxstrange.bsky.social I read this article and ran to share it with you. The links to ancient perfume research in the published journal are myriad. ?

Smell like a god: Ancient sculptures were scented, Danish study shows phys.org/news/2025-03…

[image or embed]

— Keeper of the Stars (@k0ts.bsky.social) March 16, 2025 at 2:27 PM

Овој археолог и кустос на музејот Глиптотек во Копенхаген дошол до откритието по сериозно проучување на римските списи и натписи на античките грчки храмови.

– Парфемите и миризливите масла често се споменуваат како дел од украсите кои се применуваат на верските статуи во антиката – рече таа.

Цицерон, на пример, го опишал ритуалот на подготовка на статуата на Артемида во сицилијанскиот град Сегеста. Тој забележа дека скулптурата на божицата на ловот, шумите и животните во грчката митологија била помазана со миризливи масла и масти.

На Делос, островот во Грција каде, според легендата, се родени Артемида и нејзиниот брат близнак Аполон, натписите на храмовите откриваат дека некои статуи се одржувале со триење со парфем на база на роза.

– Восхитувањето на статуите во антиката не беше само визуелно искуство, туку и миризливо – заклучува Брон во студијата.

Претходните истражувања открија остатоци од пигмент на статуи за кои со векови се веруваше дека се бели.