Бојан Миовски ја продолжува гол серијата во дресот на Абердин кој денеска ремизираше 1:1 на домашен терен против Ренџерс во шкотската Премиер лига.

Македонскиот фудбалер донесе водство во 11 минута што беше негов петти погодок сезонава во првенството.

Нашиот репрезентативец настапи до 80 минута кога беше заменет од Дук.

Домашниот тим не успеа до крајот на мечот да ја задржи минималната позитива, Ренџерс дојде до реми од пенал во 94 минута кој го реализираше Таверние.

Абердин по четвртото реми сезонава е на деветтото место со 13 бодови, додека Ренџерс е второпласиран со 28, осум помалку од водечкиот Селтик.